Tilkomst
I dag er det ca 3 km rås oppover frå Øvresetkrysset.
Frå bygdeboka:
I september 1844 vart ein kontrakt oppsett på Øvreset som galdt den gamle fjellvegen. Her heiter det mellom anna: Undertegnede Opsiddere paa Gaarden Øvre-Sætre, Skindloe, Skreppe, Jordanger og Fløloe have i dag med hverandre indgaaet en saadan Forening:
Den saakaldte Fjeldrok eller Vei til at drive Kreaturerne til fjelds, som fra Arilds Tid haver været mellom Gaardene Øvre-Sætre og Skindloe, men som i den senere Tid haver været unddraget dets oprindelige Brug, især derved at Gjærdene ere bortkomne, skal for Fremtiden atter indhegnes til Fjeldrok.Nye gjerde skulle såleis setjast opp. Om nokon ikkje oppfylte arbeidsplikta si med dette, skulle dei betale mulkt.
Bruk av stølen
Frå bygdeboka:
Øvresetstølen ligg ovanfor Haulia. Både Øvreset, Sætre og Flølo dreiv stølane sine i dette området. Vi kjenner også namnet Gamlestølen, om lag 400 m aust for Øvresetstølen, ovanfor Bjøllerabben. Stølen har også vore kalla Gamle-Setersstølen. Brukarane på Sætre har ein gong flytta til Øvresetstølen, utan at vi veit kvifor. Litt nedanfor Øvresetstølen finn vi Fjellgaren, eller Leitingsgaren, som danner skiljemerket mellom heimebeita og stølsbeita. Fjellgaren har gjennom tidene gått heilt frå Øygardane mot Torheim i aust.
Nokre fakta
Øvreset, gard nr. 86, Breim sokn, hadde 5 bruk i 1890. Sætre nedre, gard nr. 87, hadde 6 bruk.