Fiskarsjukehuset 1865-1926
Midt på 1800-talet var det eit rikt vintersildfiske utanfor Florø, med deltaking av tusenvis av fiskarar frå heile Vestlandet. Eigne fiskarlegar var i sving under desse fiskeria. Dermed oppstod trong for eige sjukehus, og eit slikt stod klart i Florø i 1865. Det vart finansiert ved oppretting av Vårsildavgiftsfondet, basert på ei avgift på eksport av vintersild (på den tida kalla vårsild). I oktober 1867 vart Vårsildavgiftsfondet sitt eige, nybygde sjukehus opna, med plass til 40 pasientar. Det var distriktslegen i Kinn som hadde ansvaret for drifta. Etter vår tids målestokk kan dette karakteriserast som ei slags sjukestove, der dei sjuke fekk ein skapeleg stad å liggje, og pleie og tilsyn. Fram til 1926 var fiskarsjukehuset berre eit sesongsjukehus for fiskarrar. Interessa voks for eit permanent sjukehustilbod.
Raudekrossjukehuset 1926-1933
Tidleg på 1900-talet hadde Raudekrossen vore med å få i gang sjukehusdrift fleire stader i landet. I 1926 stod den nyskipa Sunnfjord krins av Raudekrossen føre ombygging av det gamle fiskarsjukehuset. Halvparten av kostnaden på 60 000 kr var gåver. Resten vart lånt med garantiar frå kommunar og Vårsildavgiftsfondet. Sjukehuset gav kirurgisk og medisinsk hjelp. Men den store entusiasmen folk hadde møtt det nye sjukehuset kjølna då det synte seg at sjukehuset vart altfor lite.
The Red Cross Hospital was opened on 26 February 1926. Two years before, the Red Cross had decided to take over the hospital that had been run by the so-called Spring herring fee fund. An extension was built and the hospital was refurbished at a cost of 60 000 kroner. After this modernization, the hospital had 36 beds.
This is what one of the patient rooms looked like at the Red Cross Hospital. The Red Cross had the operational and administrative responsibility from 1926 until 1933 when the county took over.
Fylkessjukehuset etter 1933
I 1927 kom Johan Yttri som ny distriktslege i Kinn, og vart den drivande krafta i realiseringa av eit nytt fylkessjukehus i Florø. I 1930 vedtok fylkestinget bygging av nytt sjukehus. Fylket skulle syte for 3/5 av byggjekostnadene, resten var gåver. Den 30. september 1933 vart det nye bygget, med 60 senger, teke i bruk. Men det var ikkje noko samrøystes fylkesting som stod bak denne satsinga. Følgjeleg kom det på 1930-talet sjukehus i privat regi på Nordfjordeid, i Lærdal og Høyanger. Desse tre vart fylkeskommunale kring 1950. Etter utvidinga i 1962 hadde sjukehuset i Florø fått ei medisinsk avdeling med 40 senger, ei fødeavdeling med 10 senger og ei kirurgisk avdeling med 60 senger.
This hospital building was taken into use on 30 September 1933. From this date, the county authorities were in charge of the operation and administration of the Florø Hospital. Since 1995, the hospital has been a department under the Central County Hospital in Førde.
Sjukehusstrid
På 1960-talet vart kring halvparten av sjukehuspasientane i Sogn og Fjordane handsama ved sjukehus utanom fylket. I 1967 tilrådde Helsedirektoratet bygging av eit større, meir differensiert sjukehus. Dette førte til at fylkesadministrasjonen la fram plan om eit sentralsjukehus i Førde. Det vart ein hard politisk strid, der fylkestinget fleire gonger vedtok å satse på dei fire eksisterande sjukehusa, mot faglege råd. Men den 23. juli 1971 vart striden avgjort då regjeringa Bratteli vedtok ein Kongeleg resolusjon om bygging av sentralsjukehus i Førde.
Forsvaret av sjukehuset i Florø engasjerte folk, og førte til svære demonstrasjonar i gatene. Det toppa seg opp i mai 1977 då fylkestinget handsama organiseringa av sjukehustenesta. Resultatet vart at dei fire lokalsjukehusa skulle haldast oppe, og at sjukehuset i Florø skulle ha 60 senger. Men sjukehustenesta i fylket var langt frå fasttømra då Sentralsjukehuset stod ferdig i 1979. I nye helseplanar vart det først og fremst sett søkelys på sengetalet i Florø, som burde reduserast. I tida etterpå har det vore ein seig kamp for å forsvare tilbodet ved sjukehuset i Florø, som i 1995 fekk endra status til avdeling under Sentralsjukehuset.
Florø Sjukehus anno 2002
Det medisinske tilbodet på sjukehuset er administrert frå Førde Sentralsjukehus. I Florø fanst det i 2002 ein medisinsk seksjon med 23 senger, ein kirurgisk med 10 senger, Fødeavdelinga vart avvikla etter 1995. Elles har sjukehuset røntgen, laboratorium med blodbank og ein anestesiseksjon. I 2000 vart det frå avdelinga i Florø skrive ut 1264 pasientar med 7680 liggedagar. Frå Førde sentralsjukehus vart det totalt skrive ut 13187 pasientar med 66306 liggedagar.