Indre Vikane

Rekkjetunet i Indre Vikane gjev oss eit inntrykk av korleis mange einbølte tun kan ha sett ut i mellomalderen. Mange klyngjetun på 1700-talet kan ha utvikla seg frå ei enkel husrekkje på 1500-talet. I denne husrekkja i Vikane ligg det tømra stovehuset midt i anlegget, med ei skykkje i den eine gavlen og eit eldhus i den andre, under same tak. Så kjem stabburet, og deretter sengebu med loft. I andre tun kan vi sjå at sengebua har lege i lag med stova og eldhuset.