Grunnlagt av Kristian Ulltang
Firda vart grunnlagt som eit bygdeblad for indre Sunnfjord av Kristian Ulltang, og kom med første utgåve 15. desember 1917. Ulltang hadde då drive prenteverk i Førde i tre år, og m.a. trykt Ungdomsvennen, som var bladet til folkehøgskulen på Solvang. På den tida hadde andre delar av fylket hatt lokalaviser lenge, m.a. Florø og Nordfjordeid heilt frå 1874. Firda var den første avisa i Førde med eitt lite unntak: Florø-avisa Nordre Bergenhus Amtstidende vart i åra 1886-91 utgjeven i Førde, då redaktøren E. M. Hole var busett her.
Firda started as a weekly and cost NOK 2.50 per year in 1918.
Motvekt mot Florø
Frå 5. januar 1918 kom Firda ut kvar laurdag, og vart trykt i Ulltang sitt prenteverk i Flom-huset sør for Langebrua. Ulltang hadde alt lenge vore ein ivrig skribent og journalist, og hadde irritert seg over at Florø-avisene dominerte avisbiletet:
"De indre Søndfjord-bygder har i de senere aar kunne vise frem en utvikling, som kanske har gaat hurtigere end andre bygders. Og denne utvikling fortsætter og vil komme til at fortsætte. Derfor bør vi ogsaa ha et talerør for disse bygder. Det er det vi nu mener "Firda" skulde være, og som vi haaper det ogsaa vil bli."
Firda was from 1921 to 1938 printed in this building at Teigen. In the picture is to the left Karl Mo, who worked for the newspaper from he was 12-14 until retirement. In the middle is the founder of the newspaper, Kristian Ulltang. He was also the first editor. The man to the right is Albert Øen, who worked in the printing works. He later established his own printing company - Øens Prent AS.
From the activity in the printing works which was in the founder Kristian Ulltang's house at Teigen. The two persons working in the printing works were Gunnar S. Hafstad (closest) and Karl I. Mo.
I familieeige til 1995
Den første tida vart avisa redigert på riksmål, men nynorsk tok raskt over. Opplaget passerte 1000 i 1919, og avisa tok til å kome ut to gonger i veka. I 1922 flytta avisa med både prenteverk og redaksjon til Ulltang sitt hus "Nøisomhet" i Teigen. Same året stod det første biletet på trykk i avisa, då halve Langebrua vart teken av ismassane i Jølstra. Først i 1927 fekk avisredaksjonen eigen telefon.
Ulltang ynskte alt tidleg i 20-åra å trekkje seg som redaktør, men heldt fram, med nokre opphald, til 1928, då Olai Nordeide tok over. Han leigde både prenteverket og rettane til å gje ut avisa, og kjøpte avisa i 1938. Avisa var i Nordeide-familien si eige heilt til A-pressa tok over i 1995. På 30-talet var det ein viss aviskrig i Førde; i åra 1933-35 då Sunnfjord Tidend kom ut, og frå 1936 til krigen då Gjallarhornet kom ut som organ for Arbeidarpartiet.
Samanhengande vekst
Under krigen tok tyskarane over avisa, og opplaget gjekk ned frå 4000 til 900. Etter krigen voks opplaget samanhengande til ein topp på vel 15 000 i 1998. Avisa har over 80% dekning i Førde, Jølster, Gaular, Naustdal, Askvoll, Fjaler og Hyllestad. Høyanger og Solund er også gode Firda-kommunar. Ser ein fylket under eitt, får 32% av husstandane Firda kvar dag.
Heilt frå Ulltang si tid la Firda vekt på å halde seg utanfor partipolitikken, og det har vore rettesnora heilt til våre dagar (med eit visst unntak då A-pressa tok over). Firda har sidan 1988 halde til i eit moderne avishus på Øyrane i Førde.
Firda is the only daily newspaper in the county of Sogn og Fjordane, and is subscribed to by one third of all households in the county.