Garden ligg i eit lite dalsøkk ved Årskogelva; eit innhaldsrikt kulturlandskap, med lauvskogkjerr, rydningsrøysar, blomeenger og lyng. Garden har vore i same ætta i meir enn 300 år; ein jamn velstandsgard. Eit arveskifte frå 1794 viser eit verde av 3186 riksdalar. Det var det rikaste buet i Våg skipreide. I dag er Årskog eit museum og det er mellom anna ei unik tekstilsamling på garden.
Gardstunet på Årskog
The farm steading of Årskog.
Gardstunet på Årskog (Svein Nord).
Årskog
EIT KULTURLANDSKAPSMUSEUM
Garden Årskog ligg i eit typisk kystlandskap, i lett skrånande lende frå lyngheia i utmarka og ned mot fjorden. Gardstunet ligg slik det var på 1800-talet. I 1980 gav dei to brørne, Lars og Olai Årskog, garden til museumsføremål, med all reiskap og husbunad frå dei siste hundre år.