Nytt ferjesamband over Fensfjorden
Det første steget for å få knyta øyane Sandøy, Mjømna og Byrknesøy til vegnettet på fastlandet var då ferjesambandet over Fensfjorden opna 15. desember 1980. Ferja gjekk mellom Sløvåg (fastlandet), Skipavik på Sandøy, Gråvik på Byrknesøy og over Fensfjorden til Leirvåg (Mongstad) i Hordaland.
Den raude brua
Det andre steget var vegsamband mellom Sandøy og Mjømna med bru over Mjåsundet. Brua stod ferdig i 1993 og vart offiselt opna 9. juli. Den 217 m lange brua ligg høgt på dominerande fyllingar. Ho er spesiell ved at ho er måla i ein varm raudfarge. Det vart gjort for å gjera brua endå meir synleg.
Veg billegare enn ferje
Ferjedrift er kostbart. Berre ferjesubsidiane til Sløvåg-Skipavik-Gråvik-Leirvåg kosta fylket rundt kr 11 000 per dag. Vegsamband mellom Mjømna og Byrknesøy var difor ønskjeleg både for lokalsamfunnet og fylket. I 1993 vart hovudplanen godkjend, og i 1995 fekk Fylkestinget statleg godkjenning av vedtak om å ta opp lån. Vegprosjektet vart finansiert med 40% frå fylket og 60% frå staten. Ferjesambandet Sløvåg-Gråvik kunne leggjast ned. Likeeins nokre lokalbåtruter. Dei innsparde subsidiane ville langt på på veg dekka fylket sine 40% av kostnadene.
Siste steget
Sjølv om framtidstrua var stor etter vegopninga, var det nok eit ønske at det ein gong skulle finnast plass i budsjettet til bru over Brandangersundet til fastlandet. I 2008/09 vert det ønsket oppfylt. Arbeidet med fastlandssambandet byrja i 2006, og i 2007 vil arbeidet med sjølve brua ta til. Til saman skal det byggjast ca 11 km veg. Brua blir på 300 m. Hovedspennet, på 220 m, skal bygges "ferdig" på land og løftast ut ved hjelp av to store flytekraner.
Mjømnesundbrua
Arbeidet med den 376 m lange Mjømnesundbrua byrja i september 1995 og var ferdig to år seinare. Brua vart bygd i stål og betong seksjonsvis på land. Seksjonane vart etter kvart løfta på plass og monterte. Den lengste seksjonen var 105 m og vog rundt 460 tonn. Mjåsundbrua mellom Sandøy og Mjømna var den første i landet som vart bygd etter denne framgangsmåten. Mjømnesundbrua var den andre.
The red-painted Mjåsund bridge between Sandøy and Mjømna. The bridge was officially opened by the county council chairman Sjur Hopperstad on 9 July 1993. The work started in October 1992.
Tilløp til dramatikk
Det er inga enkel sak å montera så tunge bruseksjonar. Det kunne berre gjerast i heilt roleg sjø. Ein gong kunne det gått gale. Ekspressbåten til Fylkesbaatane passerte med større fart enn det som var avtalt, og i tillegg gav båten "full gass" i tidlegaste laget. Men det gjekk heldigvis godt.
Opning med vegfest
13. september 1997 vart vegsambandet mellom Mjømna og Byrknesøy med Nappsundet og Mjømnesundet bruer offisielt opna av fylkesordførar Knut O. Aarethun. Sjølv om veret var vått og kaldt, møtte folk opp for å feira at Mjømna og Byrknesøy endeleg hadde fått vegsamband. Det sure veret la ingen dempar på feiringa.
Vegfestar er tradisjon ved alle vegopningar. Festen hadde eit innhaldsrikt kulturprogram. Eit av songinnslaga gjekk slik:
Vi har bruer vi har vegar,
vi har kraft og pågangsmot
Så framtida den ser vi lyst i mot.
Siste steget - ferjefritt samband
Sjølv om framtidstrua var stor etter vegopninga, var det eit ønskje at det ein gong skulle finnast plass i budsjettet til ei bru over Brandangersundet til fastlandet. I 2006 er planarbeidet godt i gang, og siktemålet er oppstart i 2007.