Hunskorstøylen

Hunskorstøylen ligg på ei stor hylle høgt oppe i lia med flott utsikt over Breimsvatnet og fjellheimen omkring, i ei høgd på ca. 660 m o.h. Stølen høyrer til Hunskor, gard nr 78. Stølen ligg med skog omkring eit stykke nedanfor skogsgrensa, men med romslige beite- og slåtteareal. Det er 2 bruk på Hunskår og dei held bra vedlike 1 fjøs og 3 sel. Det er steinmur etter ein stor fjøs.

Tilkomst

Frå tunet er om lag 1 km skogsbilveg. Vidare ca 2 km rås oppover. Tidlegare rekna dei ein times gange opp til stølen. Her går mange dyreråser og i skogen er det fort gjort å ta feil rås. For ukjende vandrarar er det best å bruke kart eller å få hjelp av kjentfolk.

Bruk av stølen

Om våren var kyrne fyrst på beite 1 vekes tid nedanfor tunet. Deretter 1-2 veker på Gamlestøylen. Den låg ikkje meir enn ein halv times gange frå tunet slik at stølsjentene overnatta heime. Seinare var kyrne på sommarstølen ut august månad. Til slutt 1-2 veker på Gamlestølen før dei vart tekne heim. Stølsdrifta vart slutt rett etter 1950. Sjå eigen artikkel om Gamlestølen.

Gamleselet til bruk 1, med nyselet bak.

Datering

1999.

Fotograf

Torgny Ueland.

Eigar

Torgny Ueland.

Selet til bruk 2, med fjøs i skogkanten.

Datering

1999.

Fotograf

Torgny Ueland.

Eigar

Torgny Ueland.

Nokre fakta

Hunskor, gard nr 78, Breim sokn, hadde 2 bruk i 1890. Det budde 19 menneske på dei to bruka i 1865.

Sandal, Per: Soga om Gloppen og Breim. Gardar og ætter. Band 5. (Upublisert, november 2000).
Råd, Kjell: Støylar i Gimmestad og Hyen sokn. Breim 1999.
Råd, Kjell: Støylar i Breim. Breim 1997.
Tvinnereim, Jon: Seterdrift i Nordfjord. Volda 1997.
Sundt, Helge Arnljot: Hovudoppgave i geografi: Stølstun i Gloppen. 1941.
Isachsen, Fridtjov: Seter-landsbyer i Nordfjord. Norsk Geografisk Tidsskrift, bind VIII, hefte 3, 1940.
Grude, J.: Stølsdriften paa Vestlandet. Stavanger 1891.
Reinton, Lars: Sæterbruket i Noreg. 3 band. Oslo 1955-1961.