Mosterhamn har i uminnelege tider vore skipshamn. Etter tradisjonen skal dette vera den eldste handelsstaden mellom Stavanger og Bergen. I 1582 la kongen ned forbod mot å selja tømmer til framande nordanfor Mosterhamn. Tømmeret skulle gå til å byggja opp Bergen etter brannen i 1561. I Mosterhamn var det også gjestgjevarstad. I 1747 vart denne lagd til Spissøy, aust for Mosterhamn, men i 1797 vart han flytta attende. Den lune vågen i Mosterhamn var for liten for store skuter, så desse ankra ofte opp ved Spissøy, og sjøfolka rodde inn til Mosterhamn om kveldane. Av den gamle handelsstaden står i dag ein halvvalma hovudbygning og eit sjøhus. Inst i vågen låg det ein tollstasjon under Bergen tolldistrikt. Han vart bygd ut i 1859 og overtok etter den nedlagde tollstasjonen på Eldøy ved Stord. Tollstasjonen i Mosterhamn vart nedlagd i 1900.
Mosterhamn is probably the oldest trading post between Bergen and Stavanger. (Svein Nord).
Mosterhamn
Mosterhamn er truleg den eldste handelsstaden mellom Bergen og Stavanger. (Svein Nord).
Mosterhamn
Mosterhamn er ein av dei gamle, privilegerte handelsstadene som har lege sentralt i leia, anten skutene segla Langenuen, Nyleia gjennom Fitjar eller inn Hardangerfjorden. Frå forhistorisk tid var Bømlo og Moster den første landkjenninga når ein kom inn frå vest; eit landskap med gode hamner.
Mosterhamn i 1924 (Sev. Kannelønning, eigar Sunnhordland Museum (SF-SK 1384)).
- Endresen, H.G. (1950) Gjestgiverier i ytre led: Spissøy. I: Sunnhordland Årbok. Stord, Sunnhordland museum, s. 29-35.