Tilkomst
Stølsråsa gjekk opp frå tunet, bru over den store Holvikelva, i lia over Kleivedammen og svinga seg opp til stølen. No kan ein bruke 3 km skogsbilveg, 1 km skogstraktorveg og 1 km rås opp til stølen. Alternativ rute kan vere landevegen til Engeset og vidare veg på fjellet mot Austerheimsstøylen. Frå denne vegen kan ein nå Holvikstølen med kring 1 km traktorkjøring.
Bruk av stølen
Etter bygdeboka dreiv det eine bruket vanleg stølsdrift medan det andre ikkje dreiv lenger enn til 1895. Husa, og den delen av stølen til bruket som avslutta stølsdrifta, vart deretter leigd av nokre småbrukarar på Sandane. Nokre mindre bruk på Kleivedammen kom etter kvart også med på dette.
Holvikstøylen hadde store stølsslåtter og hadde sett opp ei stor høylade på felles. Det var sagt at slåtten utgjorde eit kyrafor. Høyet vart frakta heim på slede om vinteren. Siste året å gå til støls var 1951.
Nokre fakta
Holvik, gard nr. 74, Vereide sokn, hadde 5 bruk i 1890. Folketalet i 1865 var 65, i 1900 var talet auka til 77.