Grytøyrelva

Tvers over Røldalsvatnet frå Håraneset, godt synleg frå europavegen, ligg eit gjel med ei elv i jamt sig ned mot vatnet. Med titusenvis av år, laust fjell og rikeleg med vatn til hjelp har Grytøyrelva skore ut eit jamt elvefar utan fossar heile vegen ned til det djupt nedskorne Røldalsvatnet. Slik har elva tilpassa seg nivået til vatnet. På veg ned renn elva gjennom eit stort gjel, Grytøyrjuvet, som er 150–200 meter djupt på det meste.