Langs fjellkammen frå Vardanuten og nordover mot Rundenuten byggjer det seg opp store snøskavlar med vestavinden, særleg med nordvesten. Når skavlane losnar av si eiga tyngd, eller på grunn av omslag til mildvêr, sopar dei òg med seg snøen i fjellsida ned mot fjorden. Krafta i skreda kan bli enorm, og snømengdene nede ved fjorden kan vera så store at det kan liggja skredsnø til langt ut i august. Skog klarar naturleg nok ikkje å veksa opp i skredbanene.
Skredene har eigne namn, frå sør mot nord blir dei kalla Lindeskreda, Bersåsskredene, Kveldsflotskreda, Nesåskreda og Svinaskreda. Sjølv om riksvegen for lenge sidan har fått skredoverbygg, har det hendt at litt av skredsnøen har gått utanom og stengt vegen.
